Mesas de debate interxeracionais no festival Curtocircuito

Por primeira vez na súa historia, levarán a cabo mesas de debate interxeracionais no festival Curtocircuito co obxectivo de destruír tópicos, mitos e prexuízos dentro do sector audiovisual galego.

Os días 4 e 5 de outubro seremos testemuñas dun dos nosos retos como asociación: compartir experiencias máis aló do guetto cronolóxico.

Buscaremos puntos en común entre os diferentes profesionais do sector onde a idade non supoñerá un impedimento, se non o desencadeamento de diferentes vivencias que dotan a cada un deles de múltiples “know-how” á hora de desenvolver o seu traballo.

O enriquecedor de todo isto? A posta en común dentro dun sector cada vez máis diverso. O conxunto de ponencias e debates construtivos das diferentes xeracións que representan momentos políticos e estéticos diferentes: desde os anos 80 ata 2018.

Nesta edición, Curtocircuíto xuntará por primeira vez ás catro xeracións en activo do sector audiovisual galego para poder comprender mellor a natureza, heteroxeneidade e potencial do sector, situándoos en catro grandes grupos:

  • “Desde a vídeo creación ata a produción industrial dos 2000” (nacidos ao redor dos anos 60)
  • “A xeración EIS e outras fornadas de renovación” (nacidos ao redor dos 70)
  • “Novo Cinema Galego e outras francotiradoras” (nacidos ao redor do ano 80)
  • “Fillas da crise: novos modelos contra a austeridade” (nacidos nos anos 90)

Deixámosvos ligazón ao programa de actividades para ambos os días:

Mesas de debate interxeracionais no festival Internacional Curtocircuito

2018-11-26T19:59:17+00:00octubre 1st, 2018|Mesa de debate|

About the autor:

Deja tu comentario